Elordada «Adamnyń ǵaryshqa tuńǵysh ushýyna 50 jyl» atty kórme ashyldy

Qazirgi zamanǵy óner murajaıynda uıymdastyrylǵan mádenı shara barysynda kollektsıonerlermen kezdesýler ótip, 100 konvertke resmı mór basý, qonaqtarǵa 100 tós belgiler men 100 mereıtoılyq kúntizbeler syılaý sharalary ótti. Adamzat balasynyń ǵaryshty ıgerý kezeńinen syr shertetin kórmege 569 qundy jádiger qoıylǵan. Sondaı-aq olardyń qatarynda mádenı sharany ótkizip otyrǵan murajaıdyń qorynan alynan 4 týyndy da bar.

Jádigerlerdiń basym bóligin quraıtyn kollektsıoner V.Semenovtyń 531 qundy zaty, atap aıtqanda ıÝ.Gagarınniń kitaptary, ol týraly jazylǵan ádebıetter, alǵashqy maqalalar jaryq kórgen gazet-jýrnaldar, markalar, konvertter, ǵaryshkerdiń shaǵyn beıne-músinderi, kádesyılar, medaldar, tósbelgiler kórmeni tolyqtyra túsken.

«Búgingi kórme - birneshe jyldar boıy júrgizilgen jumystyń jemisi. Ǵaryshqa tuńǵysh jol salǵan azamatqa degen alǵysty, sol kezdegi rýhanı tynysty, Keńes odaǵyndaǵy adamdardyń sózben jetkizý múmkin emes qýanyshyn, maqtanyshyn qazirgi zaman adamdarymen bóliskim keldi», - dedi V.Semenov.

Kórme jumysy 17 sáýirge deıin jalǵasady.