Elordada «Adamdyq boryshyń..» degen taqyryppen Shákárim muralaryn oqýshylar arasynda jatqa aıtýshylar baıqaýy ótedi

dep habarlaıdy QazAqparat QR Prezıdenttik mádenıet ortalyǵynyń baspasóz qyzmetine silteme jasap.

 Adamzat tarıhynda ózindik iz qaldyrǵan, qazaq halqynyń ǵasyrlardan beri jalǵasqan rýhanııatynyń kóshbasshysy Sh.Qudaıberdiulynyń shyǵarmalarynyń negizgi arqaýy adamgershilik, gýmanıstik, aǵartýshylyq, ımandylyq jolyna qurylǵan. Búkil jaratylysqa mahabbat kózimen qaraý, adamdy súıý, ar jolynan aınymaý, osylarmen úılesimdilikte ǵumyr keshý - aqynnyń basty ustanymdarynyń biri. Keıingi óskeleń urpaq úshin - tárbıeniń keni.

 1858 jyly dúnıege kelgen Shákárim Qudaıberdiuly óziniń 73 jyldyq ǵumyrynda artyna sarqylmastaı mol qazyna qaldyrdy. Shákárim tulǵasyna tek aqyn, fılosof qyrynan toqtalmaı, qoǵam qaıratkeri, jalpy adamzattyq problemalardy kótergen ǵúlama retinde kózqaras qalyptastyrý qajet. Ol óz zamanyndaǵy qoǵamdyq-saıası, ǵylymı-aǵartýshylyq sııaqty qazaq ómirindegi, tipti búkil adam balasyna ortaq máselelerge baılanysty pikirin bildirip, ún qosty. Alash zııalylarymen, orys oıshyldarymen jıi hat alysyp turdy.

 Atalǵan dástúrli shara elimizde osymen úshinshi ret ótkeli otyr. Buǵan deıin Mádenıet jáne aqparat mınıstrliginiń tapsyrysymen «Ynsap» qoǵamdyq qory Almaty jáne Semeı qalalarynda joǵary deńgeıde  uıymdastyrǵan bolatyn. Igi sharanyń jalǵasy retinde elordamyzda ótkiziletin kezekti baıqaý - óskeleń urpaqty otansúıgishtikke tárbıeleý jáne balalar murasyna degen jastardyń qurmetin arttyrý maqsatynda bolmaq. 

Atalǵan shara Sh. Qudaıberdiulynyń bolmysy men eńbekterin jan-jaqty zertteýge tyń serpin beredi.