Elordada adam óltirdi degen kúdikpen turǵylyqty meken-jaıy joq qańǵybas ustaldy
ASTANA. 26 shilde. QazAqparat - Elordada adam óltirdi degen kúdikpen turǵylyqty meken-jaıy joq qańǵybas ustaldy, dep habarlady Astana qalalyq ishki ister departamentiniń baspasóz qyzmetinen.
Vedomstvonyń atap ótýinshe, 27 mamyrda Astana q. ІІD-niń jedel basqarý ortalyǵyna qalanyń beıitiniń aýmaǵynda belgisiz áıeldiń máıiti tabylǵandyǵy týraly habarlama kelip túsken. Jeke basyn anyqtaý barysynda atalǵan azamatshanyń uzaq ýaqyt boıy turǵylyqty baspanasy bolmaǵany jáne qańǵybastyqpen aınalysqany anyqtalǵan. Sonymen qatar ol eki aıaǵynan aıyrylǵan múgedek bolǵan.
Jedel izdestirý sharasyn júrgizý barysynda osy qylmystyń kýágerleri tabylyp, olar 1980 jyly dúnıege kelgen J. esimdi azamattyń Ortalyq beıitte áıelge metall qubyrmen dene jaraqatyn keltirgenin kórgendikterin aıtqan. Keltirilgen jaraqattyń saldarynan jábirlenýshi oqıǵa bolǵan jerde qaıtys bolǵan.
Ustalǵan kúdikti Astana q. turǵyny, osy ýaqytqa deıin qalalyq zırat aýdanynda qańǵybastyqqa salynǵan. Qazirgi ýaqytta ol Astana q. ІІD-niń ýaqytsha oqshaýlaý ornyna qamaldy.
