Elordada adam ólimi týraly anyqtama berý máselesi sheshildi
NUR-SULTAN. QazAqparat – Elordadaǵy №9 emhananyń dırektory Sáýle Smaǵulova karantınde adam ólimi týraly anyqtama alý týraly jurtshylyq shaǵymyna jaýap berdi, dep habarlaıdy QazAqparat.
«Adam ólimi týraly anyqtama berý máselesin sheshtik. Bul jaǵdaıda ýchaskelik dárigerge nemese emhananyń call-ortalyǵyna habarlasýǵa bolady. Nemese jeke kýálikpen emhanaǵa kelý kerek. Anyqtama marqumnyń dıagnozy men dıspanserlik eseptegi dınamıkalyq baqylaýdy eskere otyryp beriledi. Bul jaǵynan esh másele joq», - dep jaýap berdi emhana basshysy Ortalyq kommýnıkatsııalar qyzmetinde jýrnalıster suraǵyna.
Buǵan deıin №5 qalalyq emhana dırektory Altynshash Tabyldına koronavırýstan jazylǵan naýqastardyń PTR tapsyrýǵa mindetti emestigin túsindirgen edi.
