Elordada «Adaldyq alańy» ulttyq jobasy qorytyndylandy

NUR-SULTAN. QazAqparat - Búgin Sybaılas jemqorlyqqa qarsy is-qımyl agenttigi Elbasynyń 2018 jyldyń 5 qazanyndaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýyna sáıkes júzege asyrylǵan «Adaldyq alańy» ulttyq jobasynyń jyldyq qorytyndysyn shyǵardy, dep habarlaıdy QazAqparat tilshisi.

«Adaldyq alańy» jobasyn iske asyrý tájirıbesi jemqorlyqpen kúres boıynsha respýblıka deńgeıinde úlgi qalyptastyrdy. Bul joba memleket pen qoǵam arasyndaǵy kópir ispetti. Qoǵam ókilderi jemqorlyqqa qarsy kúres saıasaty týraly pikirlerin bildirip qana qoımaı, bul jobanyń iske asýyna ózderi de atsalysa alady« , - deıdi QR Prezıdenti janyndaǵy Memlekettik basqarý akademııasynyń rektory Erlan Ábil.

Joba aıasynda jemqorlyqqa qarsy kúres baǵytynda trenıngter ótkizý, lektsııa oqý, semınarlar ótkizilýde. Bul bastama kelesi jyly jańa formatta jalǵasyn tappaq.

»Saraptaý tobyna qoǵam belsendileri, saıası partııa, Qazaqstan halqy Assambleıasynyń ókilderi, depýtat, jýrnalıst, blogerler kiredi. Bıznes protsesterdi, memlekettik qyzmetterdi avtomattandyrý jemqorlyqty azaıtty.

Búgingi tańda 179 memlekettik qyzmet kórsetilse, onyń 56-sy avtomattandyrylǵan, qalǵany bólshekteı avtomattandyrylǵan. Jyl basynan beri ákimdik tarapynan 3,8 mln memlekettik qyzmet elektrondy túrde kórsetildi. Bul 2017 jylǵy kórsetkishpen salystyrǵanda 5 ese kóp«, - deıdi Nur-Sultan qalasy ákiminiń orynbasary Máken Baqtııar.