Elordada abaısyzda sýǵa qulap ketken bala kóz jumdy
NUR-SULTAN. QazAqparat – Elordada bala ózenge batyp ketti, dep habarlaıdy QazAqparat tilshisi TJD silteme jasap habarlaıdy.
«27 tamyz kúni saǵat 18.05-te 112 pýltine balanyń sýǵa qulap ketkeni týraly habar kelip tústi. Shaqyrtý ornyna Nur-Sultan qalasynyń tótenshe jaǵdaılar departamentiniń jedel-qutqarý jasaǵynyń bólimshesi jiberildi. Kelgen boıda sýǵa súńgigen qutqarýshylar shamamen 8-9 jastaǵy balanyń denesin alyp shyqty. Boljam boıynsha, ol Aqbulaq ózenine abaısyzda qulap ketken», - delingen departament habarlamasynda.
Oqıǵa ornyna jedel-qutqarý jasaǵynyń tehnıkasy men 4 qyzmetkeri barǵan. Qazir polıtsııa oqıǵanyń mán-jaıyn anyqtap jatyr.
