Elordada Abaıdyń týǵanyna 165 jyl tolýyna arnalǵan aqyn shyǵarmashylyǵynyń dástúrli keshi ótti
STANA. Tamyzdyń 23-i. QazAqparat /Erkegúl Qaıratqyzy/ - Búgin Astanada qalalyq tilderdi damytý basqarmasy men mádenıet basqarysy birlesip, Abaıdyń týǵanyna 165 jyl tolýyna oraı aqyn shyǵarmashylyǵynyń dástúrli keshin ótkizdi,
dep habarlaıdy QazAqparat.
Astanada jyl saıyn Abaı eskeritkishiniń aldynda Qazaqstan halqy tilderi festıvali aıasynda ótetin mańyzdy is-sharalaryń biri osy - qazaqtyń uly aqyny Abaıǵa taǵzym, ári urpaqqa taǵylym retinde atap ótý dástúri bar.
Abaı Qunanbaevtyń týǵanyna 165 jyl tolýyna oraı uıymdastyrylǵan sharada qala turǵyndaryn Astana tilderdi damytý basqarmasynyń bastyǵy Orazgúl Asanqazy quttyqtap, 12-shi Qazaqstan halqy tilderi festıvaliniń atalǵan Abaı oqýlarymen bastalǵanyn jarııa etti.
«Abaı oqýlaryna Astana qalasynyń balabaqshasynda tárbıelenip jatqan jas jetkinshekterden bastap, úlken zeınetkerlerge deıin «men Abaıdyń óleńin oqysam», «men onyń ánin salsam», «men Abaıdyń qara sózin oqysam» degen úlken tilekter bildirgen bolatyn», dedi ol.
Abaı oqyrmandaryna arnalǵan keshtiń basty qonaǵy - sahna sańlaǵy, mádenıet qaıratkeri Bolat Ábilmanov boldy. Ol Abaıdyń beınesin erekshe somdap, jurttyń aldynda ártis emes, uly aqyn Abaı turǵandaı elestetip jiberdi. Keshte 6 jasar sábıden bastap, 60-tan asqan qarııaǵa deıin, memlekettik qyzmetkerler men qalamyzdaǵy túrli salanyń mamandary, qala turǵyndary Abaı óleńderin jarysa oqydy. Sonymen qatar, Astana qalasy Memlekettik fılarmonııasynyń ánshileri Gúlmıra Bókeıhanqyzy, Perızat Turarqyzy, K.Baıseıitova atyndaǵy opera jáne balet teatrynyń ánshisi Janat Shybyqbaevtyń oryndaýynda Abaı ánderi shyrqaldy.
Mereıtoıǵa baılanysty elordanyń S.Seıfýllın atyndaǵy murajaı basshylyǵy uly aqynǵa arnap, «Abaıdyń murasy - qazaqtyń eń qasıetti qazynasy» atty ortalyqtandyrylǵan kitaphanalar júıesin jasap otyr.
