Elordada Abaıdyń týǵan kúnine oraı poetıkalyq marafon ótedi
Baspasóz málimetterine qaraǵanda, sharanyń maqsaty Abaıdyń rýhanı qundylyqtaryn, qazaqtyń uly aqynnyń ótkeni men búginin beıneleıtin shyǵarmashylyq murasyn keńinen nasıhattaý.
Merekelik jıyn barysynda «Uly dalanyń dana oıshyly – Abaı» jáne «Ǵasyrlar úndestigindegi rýhanı mura» ıllıýstratsııalyq-kitap kórmeleri, «Abai poemalary. Óleńderi men aýdarmalary. Qara sózder. Ánderi» jáne «Abaı-chellendj» kitaptarynyń tusaýkeseri, Uly Abaıdyń óleńderin jáne ánderin oqý, «Qunanbaı» kıno kórsetilimi, «Abaı ulttyń rýhanı gıppokraty» atty dóńgelek ústel, «Abaı beınesi sýretkerler kózimen» atty sýret kórmesi uıymdastyrylady.
Bul shara Abaı Qunbaıulynyń mereıtoıy qarsańynda ótkizilip otyr.
QR Prezıdenti Qasym-Jomart Toqaev 2019 jyldyń 30 mamyrynda Birikken Ulttar Uıymynyń bilim, ǵylym jáne mádenıet uıymy (ıÝNESKO) jáne Halyqaralyq túrki mádenıeti uıymynyń (TURKSOY) qamqorlyǵymen ótetin Abaı Qunanbaıulynyń 175 jyldyǵyn merekeleý týraly Jarlyqqa qol qoıdy.
Bul týraly Q.Toqaev: «Abaı, shyn máninde, qazaq bolmysynyń aınasy. Aqynnyń dara tulǵasy – halqymyzdyń rýhanııatyn álemge tanytatyn teńdesi joq qundylyq»,-degen edi.
Іs-sharaǵa jazýshy, QR Memleketttik syılyǵynyń jáne «Qurmet» ordeniniń ıegeri Qajyǵalı Muhametqalıev, folklortanýshy, fılologııa ǵylymdarynyń doktory, professor Shákir Ybyraev, ǵalym, memleket jáne qoǵam qaıratkeri, tarıh ǵylymdarynyń doktory, professor Ómirzaq Ozǵanbaev, jazýshy, pýblıtsıst, Qazaqstannyń eńbek sińirgen qaıratkeri Aldan Smaıyl, aqyn, Qazaqstan Jazýshylar odaǵynyń múshesi Baqytjan Tobaıaqov, aqyn, Qazaqstan Jazýshylar odaǵy Nursultan qalasy fılıalynyń basshysy Dáýletkereı Kápuly, «Qazaq ádebıeti» gazetiniń Bas redaktory Dáýren Qýat, jýrnalıst jáne jazýshy, «Aıqyn» gazetiniń Bas redaktory Nurtóre Júsip, aqyn, aýdarmashy, QR Ulttyq akademııalyq kitaphanasynyń ǵalym-hatshysy Tóregeldi Rahman, tanymal telejúrgizýshi, jýrnalıst Dana Nurjigit sondaı-aq, ánshi, Respýblıkalyq jyrshylar baıqaýynyń laýreaty, jas jyrshy Aınur Qonysbaeva, ánshi, akter, QR Jastar odaǵy syılyǵynyń laýreaty, Mádenıet salasynyń úzdigi Nuraı Tanabaev, dástúrli ánshi, akter Asqar Muqııat, akter, Qazaqstannyń eńbek sińirgen qaıratkeri Nurken Óteýilov, shyǵarmashylyq jáne zııaly qaýym ókilderi, aýdarmashylar, ádebıettanýshylar men ádebıet synshylary, ǵalymdar men zertteýshiler, tarıhshylar men mádenıettanýshylar, dástúrli ánshiler men teatr ártisteri, kitaphana qyzmetkerleri, qala turǵyndary men qonaqtary, BAQ ókilderi jáne t.b. qatysady.
QR UAK baspasóz qyzmeti:
