Elordada «Abaı joly» ádebı-mýzykalyq klýby quryldy

NUR-SULTAN. QazAqparat - Halyqaralyq Abaı qorynyń uıymdastyrýymen elordada «Abaı joly» ádebı-mýzykalyq klýby óz jumysyn bastady, dep habarlaıdy QazAqparat.

Osyǵan oraı QR Ulttyq akademııalyq kitaphanasynda klýbtyń alǵashqy dóńgelek ústel otyrysy ótti. Abaı murasyn ulyqtaǵan rýhanı sharaǵa, joǵary oqý oryndarynyń stýdentteri men aqyn-jazýshylar qatysty. Jıynda Abaı óleńderin jatqa oqyldy.

«Basty maqsatymyz Abaıdyń murasyn jastardyń sanasyna sińirip, odan ári órkendetý. Ár qazaqstandyq Abaıdyń shyǵarmalaryn bilip, oqyp ósýi tıis. Aldaǵy ýaqytta «Abaı joly» ádebı-mýzykalyq klýbynyń kezdesýi ár beısenbi saıyn ótip otyratyn bolady. Sonymen birge sheteldegi «Abaı» ortalyqtary men birlesip, Abaı atamyzdyń kemel tulǵasyn nasıhattaýdy jáne qandastar arasynda osyndaı sharalar ótkizýdi josparlap otyrmyz», deıdi «Abaı joly» klýbynyń jekeshisi ári turaqty moderatory Bekzat Smaǵul.