Elordada «Abaı» spektakline 150 ulttyq kostıým daıyndalyp jatyr
Jańa óner ǵımaratynyń shymyldyǵy «Abaı» spektaklimen ashylady. Búginde atalǵan spektakl keıipkerlerine arnalyp 150 ulttyq kostıým ázirlenýde. Osy oraıda spektakl kostıýmderi nobaıynyń avtory, sýretshi jáne tiginshi Qaırolla Ábishev QazAqparat tilshisine jumys barysy týraly aıtyp berdi.
«Men úshin bıylǵy jyl jemisti boldy. Onyń dáleli Abaı jylynda elordadaǵy qazaq drama teatry jańa ǵımaratynyń shymyldyǵyn ashatyn «Abaı» spektakline arnalǵan kostıýmderdi tigý maǵan buıyrdy. Abaı týraly qoıylymǵa kıim tigý men úshin asa qurmet. Spektakl kostıýmderin daıyndaý isimen menimen birge taǵy 2 sýretshi aınalysyp jatyr. Ulttyq kostıýmderdiń nobaıyn jasamas buryn, sol zamanǵy kıimderdiń tarıhymen tanystym. HІH ǵasyrdyń kıimderi maǵan erekshe áser qaldyrdy jáne aldaǵy jańa toptamamdy ázirleýde sol kezeńniń sán úlgisin qoldanatyn bolamyn», - dedi Qaırolla Ábishev.
Sondaı-aq, avtor aldymen «Abaı» spektakliniń stsenarıimen tanysyp shyqqan.
«Ol zamanda aýqatty adamdar qymbat matadan kıimder kıgen jáne ol matalardy kóbine shetelden alǵyzǵan, negizinen Qytaı men Úndistan elderinen. Qazir 143 ulttyq kostıým daıyn, odan bólek rejısser qosymsha keıipkerlerdiń bolatynyn aıtty. Nátıjesinde spektaklde ártister barlyǵy 150-deı ulttyq kostıým kıedi», - deıdi ol.
Onyń aıtýynsha, kostıýmderdi daıyndaýǵa birneshe aı ýaqyt ketti jáne oǵan 15 maman jumyldyryldy.
«Spektaklde Abaı ómiriniń 5 kezeńi kórsetiledi. ıAǵnı balalyq shaǵynan bastap, ómiriniń sońǵy sátine deıin. Sáıkesinshe jas ereksheligine qaraı Abaıdy somdaıtyn keıipkerlerge 5 túrli kostıým daıyndadyq. Abaı qazaq halqy úshin uly adam, sondyqtan da bul jumys erekshe ynta-jiger men eńbekti qajet etýde», - dedi avtor.
