Elordada Abaı dańǵyly men Á. Sembınov kóshesiniń qıylysy ýaqytsha jabylady
ASTANA. KAZINFORM — Astanada Abaı dańǵyly men Á. Sembınov kóshesiniń qıylysynda jol tóseminiń joǵarǵy qabatyn salý jumystarynyń júrgizilýine baılanysty kólik qozǵalysy ýaqytsha tolyqtaı jabylady. Bul týraly Astana qalasynyń ákimdigi málim etti.
Shekteýler 2 maýsym kúni saǵat 22:00-den 3 maýsym kúni saǵat 08:00-ge deıin engiziledi.
Júrgizýshiler men jaıaý júrginshiler júrý baǵytyn aldyn ala josparlaýy jáne yqtımal ózgeristerdi eskerýi qajet.
Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
Buǵan deıin elordadaǵy Syǵanaq pen Áıteke bı kósheleriniń qıylysy ishinara jabylatynyn jazdyq.
