Elordada abattandyrýǵa salǵyrt qaraǵan 30-ǵa jýyq PIK-ke aıyppul salyndy

NUR-SULTAN. QazAqparat – Elordanyń «Baıqońyr» aýdanynda jumysyna beı-jaı qaraǵan 29 PIK-ke (páter ıeleri kooperatıvi) aıyppul salyndy. Bul týraly NUr-Sultan qalasy Polıtsııa departamenti «Baıqońyr» aýdany Polıtsııa basqarmasynyń Jergilikti polıtsııa qyzmeti bóliminiń basshysy Qaırat Tólepov málim etti, dep habarlaıdy QazAqparat tilshisi.

«Elordanyń «Baıqońyr» aýdany aýmaǵynda barlyǵy 119 páter ıeleri kooperatıvi ornalasqan, olar 446 turǵyn úıge qyzmet kórsetedi. Aýdandyq Polıtsııa basqarmasynan páter ıeleri kooperatıvimen birlesip jumys isteýge jaýapty 39 qyzmetker bekitilgen. Bul jumys ádisi azamattarǵa polıtsııamen baılanysta bolýyna jáne tez arada júginýge múmkindik berip otyr. Sondaı-aq, halyq, polıtsııa jáne turǵyn úılerge qyzmet kórsetetin uıymdarmen baılanys alǵa qoıyldy», - dedi Qaırat Tólepov baspasóz máslıhatynda.

Sondaı-aq, Polıtsııa departamentiniń ókili óz jumysyna jaýapsyzdyqpen qaraıtyn PIK qyzmetine qatysty sóz qozǵady.

«Aýdanymyzda PIK (páter ıeleri kooperatıvi) tarapynan abattandyrý erejelerin saqtamaý máselesi mańyzdy bolyp qalýda. Buǵan dálel olardyń jumysynyń aqsaýy. Atap aıtqanda, turǵyn úıler men oǵan irgeles ornalasqan ǵımarattar aýmaǵynda qatty-turmystyq qaldyqtardyń jınalyp qalýy, qurylys jáne iri kólemdegi qoqystardyń ýaqtyly jáne tıisti deńgeıde jınalmaýy, úılerdiń qasbetterine kútimniń jasalmaýy, ıaǵnı synǵan taqtaıshalar, shynylar, túrli habarlandyrýlar jáne turǵyn úılerdiń kireberisi tazartylmaǵan. Odan bólek, arnaıy habarlandyrý taqtalary men qoqys jáshikteriniń bolmaýy da bar. Osy oraıda jyl basynan beri 29 PIK ókilderi jaýapqa tartylyp, 430 myń teńgege jýyq aıyppul salyndy», - deıdi ol.

Buǵan deıin habarlaǵanymyzdaı, elordalyq polıtseıler táýlik ishinde 100-ge jýyq qylmystyń betin ashty.