Elordada abattandyrý erejesin buzǵandarǵa 36 mln teńge aıyppul salyndy
NUR-SULTAN. QazAqparat – Elordanyń sanıtarlyq jaǵdaıyn jaqsartý maqsatynda qalanyń polıtsııa departamenti tabıǵatty qorǵaý bólimshesi abattandyrý qaǵıdasyn buzǵandardy anyqtaýda. Bul týraly PD baspasóz qyzmetinen málim etti, dep habarlaıdy QazAqparat.
Jyl basynan beri abattandyrý talaptaryn buzǵany úshin ákimshilik jaýapkershilikke 2021 quqyq buzýshy tartylyp, 36 mln teńgeden astam somaǵa aıyppul salyndy.
Atap aıtqanda, 176 qurylys kompanııasyna 11 mln teńgege, 110 merdiger uıymyna – 6,7 mln teńge, 126 qyzmet kórsetý uıymyna (PIK, JShS) – 4 mln teńge, 415 shaǵyn jáne orta bıznes sýbektisine 3,9 mln teńge aıyppul salyndy.
Qoqysty ruqsatsyz basqa aýmaqtarǵa túsirgeni úshin 60-tan astam júrgizýshige 2,7 mln teńge, sondaı-aq shaıyndy sýdy belgilenbegen jerge aǵyzǵany úshin 70-ke jýyq júrgizýshi 2,7 mln teńge somasynda aıyppul tóleıtin boldy.
Budan bólek, qoqysty, sýsymaly qurylys materıaldaryn jáne basqa da zattardy tıisti talaptardy saqtamaı tasymaldaǵan 70-ten astam júrgizýshige 303 myń teńge, al joldyń ústin lastaǵan 20 júrgizýshige 193 myń teńge somasynda aıyppul jazyldy.
