Elordada AÁK týraly aqparatty telefon arqyly alýǵa bolady

NUR-SULTAN. QazAqparat - Astana Innovations ataýly áleýmettik kómek alýshylar úshin jedel jeli ashty, dep habarlaıdy qala ákimdiginiń resmı saıty.

«Astana Innovations» AQ-da málimdegendeı, Smart Astana mobıldik qosymshasy arqyly azamattarǵa jan-jaqty aqparat usynylady.

Esterińizge sala keteıik, osy tujyrymdamany Eńbek jáne halyqty áleýmettik qorǵaý mınıstrligi usynǵan bolatyn, al Astana Innovations ony óziniń qosymshasyna engizdi.

«111 biryńǵaı baılanys-ortalyǵynyń nómirine qońyraý shalý tegin, oǵan qalalyq telefon arqyly jáne bizdiń Smart Astana mobıldik qosymshasy arqyly habarlasýǵa bolady. Operatorlar ataýly áleýmettik kómekti taǵaıyndaý úshin qandaı qujattar kerektigin jáne jańartylǵan formattaǵy AÁK-ke ótinishterdi qabyldaý qashan bastalatynyn túsindiredi»,- dep habarlady kompanııanyń baspasóz qyzmetinde.

Ataýly áleýmettik kómek (AÁK) - bul az qamtylǵan jáne tabys deńgeıi tómen azamattarǵa (otbasylarǵa), onyń ishinde kópbalaly otbasylarǵa aqshalaı tólem túri.