Elordada A. Esenbaevtiń músin men grafıkalyq kórmesi ashyldy
STANA. Aqpannyń 16-sy. QazAqparat /Jasulan Amanbaıuly/ - Búgin Astanadaǵy QR Birinshi Prezıdentiniń murajaıynda QR Sýretshiler odaǵynyń múshesi, Kórkemóner akademııasynyń akademıgi Asqar Esenbaevtiń jeke kórmesi ashyldy,
dep habarlaıdy QazAqparat.
Kórme ekspozıtsııasyna avtordyń sońǵy 30-dan astam músin jáne grafıkalyq shyǵarmalary qoıylǵan.
QR Birinshi Prezıdentiniń murajaıynyń dırektory Alma Saǵynǵalı «A. Esenbaev Qazaqstannyń tanymal da, talantty músinshisi. Onyń eńbekteri álemniń iri murajaılarynda qoıylǵan. Sonyń ishinde Á.Qasteev atyndaǵy Memlekettik óner murajaıynda, Reseıdiń Memlekettik Tretıakov galereıasynda jáne AQSh, Germanııa, Frantsııa men Italııa elderinde jeke kollektsııalarda saqtaýly tur», dedi.
Kórermenderdiń aıtýynsha, onyń shyǵarmalary tiri janmen tildesedi, olarmen muńdasyp, syrlasady. Olarǵa ómirdi, tabıǵatty, adam taǵdyryn túsinýge múmkindik beredi. A.Esenbaevtiń bul alǵashqy kórmesi emes. Onyń shyǵarmalary qazaqstandyqtardyń kóńilinen jyly oryn alǵan.
Qazaqstannyń kórkemóner ómirine 1980 jyldary kelgen A.Esenbaev «Balalar», «ıÝdıf», «Kosmogonııa», «Pereslavldegi jaz» atty týyndylarymen tanymal boldy.
Kórme aqpannyń 23-ne deıin jalǵasady.
