Elordada 84 jastaǵy qarııany pyshaqpen qorqytyp, tonap ketti
NUR-SULTAN. QazAqparat –Elordada 84 jastaǵy qarııany sońynan ańdyp júrip tonaǵan kúdikti ustaldy, dep habarlaıdy QazAqparat tilshisi.
Nur-Sultan qalasynyń polıtsııa departamentiniń habarlaýynsha, kúdikti qarııanyń sońyna bankten depzıttegi aqshasyn alyp shyqqan boıda túsken. Dárige dep sheshken 300 myń teńgesin alyp, qarııa buryn ózi kúzetshi bolyp jumys istegen ǵımaratqa kiredi. Osy sátte artynan beıtanys adam kelip qulatady da, ústeldegi pyshaqty qarııaǵa oqtap, aqshasyn tartyp alady.
«Kúdikti kóp ótpeı qolǵa tústi. 42 jastaǵy elorda turǵyny buryn da birneshe ret sottalǵany belgili boldy. Ol kinásin moıyndap otyr. Qazir osy oqıǵa boıynsha qylmystyq is qozǵaldy. Kúdikti ýaqytsha ustaý ızolıatoryna alyndy. Onyń osyǵan uqsas basqa da qlymystarǵa qatystylyǵy tekserilip jatyr», - dep jazady departamenttiń baspasóz qyzmeti.
