Elordada 82 myńǵa jýyq azamat ýaqytsha tirkeýge turdy
ASTANA. QazAqparat - Aǵymdaǵy jyldyń basynan beri elordada 82 myńǵa jýyq azamat ýaqytsha tirkeýge turdy. Bul jaıynda Astana qalalyq kóshi-qon polıtsııasy basqarmasynan málim etti, dep habarlaıdy QazAqparat.
«6 qańtar men 7 aqpan aralyǵynda Astanada 40810 azamat turaqty, al 81942 adam ýaqytsha tirkeýge turdy. Jalpy, atalǵan kezeńde 122 752 adam tirkeldi», - dep málim etti elordalyq kóshi-qon basqamrasynyń ókilderi «Belsendi azamat» aktsııasy aıasynda.
Kóshi-qon polıtsııasy ókilderiniń aıtýyna qaraǵanda, qazirgi ýaqytta Halyqqa qyzmet kórsetý ortalyqtarynda ýaqytsha tirkeýge baılanysty dúrbeleń basylǵan. Elordadaǵy 6 Halyqqa qyzmet kórsetý ortalyǵynda kúnine ortasha eseppen 2 myń adam tirkelýge keledi.
Aıta keteıik, Qazaqstan azamattaryn ýaqytsha tirkelýge mindetteıtin zań qańtardyń 7-sinen bastap kúshine engen bolatyn. Buǵan deıin turaqty tirkeý mindeti bolǵan. Endi, óz úıine adamdardy turǵyzǵany úshin jaýapkershilik engizilip otyr. Olardy ýaqytsha tirkeýge qoıý qajet. Atalǵan norma bir ret buzylsa, 10 AEK kóleminde aıyppul salynady. Al bir jyldyń ishinde taǵy qaıtalansa, aıyppuldyń kólemi eki esege artady.
Buǵan deıin habarlaǵanymyzdaı, quqyq qorǵaý organdary turaqty tirkelgen jerinde turmaıtyn jáne ýaqytsha tirkeýi joq azamattarǵa naýryzdyń ortasyna deıin aıyppul salmaıdy.
