Elordada 8 jyldan beri qurylysy bitpegen taǵy bir úı bıyl paıdalanýǵa beriledi
Bul jaıynda Nur-Sultan ákimi Altaı Kólginov málimdedi.
«Jaǵalaý-3» turǵyn úı kesheninde ornalasqan 30-blokta 600-den astam aldanǵan otbasy bar. Turǵyndarmen birneshe ret bolǵan kezdesý barysynda kezeń-kezeńimen qurylys kestesin ázirledik. Sheshilmegen máseleler kóp boldy. Qazirgi ýaqytta úı ortalyq sýmen jabdyqtaýǵa, jylý men kárizge qosyldy. Turǵyn úı keshenin turaqty energııamen jabdyqtaý jelilerine qosý boıynsha jumystar júrgizýdemiz-qazir úı ýaqytsha elektrmen jabdyqtalýda» dep jazdy shahar basshysy Instagram paraqshasynda.
Onyń aıtýynsha, qasbettiń jumystary aıaqtaldy, abattandyrý jumystary aıaqtalý satysynda: úlken aýladan basqa, fýtbol jáne basketbol alańyn ornatý boıynsha da jumys isteledi.
Jaqyn arada jumysshylar kireberisterdi ishki árleýge kirisedi, lıftilerdiń bir bóligin ornatty, ol boıynsha jumys jalǵasyp jatyr.
«Jaǵalaý-3» 30-blok qurylysyn aıaqtap, úıdi bıylǵy jyldyń sońyna deıin paıdalanýǵa berýdi josparlap otyrmyz. Úleskerler Jańa jyldy kópten kútken páterinde qarsy ala alady. Sonymen qatar, «Jaǵalaý-3» 28 jáne 29 blogynyń qurylysyn aıaqtaý boıynsha jumystar júrgizýdemiz. Qurylysy uzaqqa sozylǵan nysandardyń qurylysyn qaıta bastaý jáne aıaqtaý – ońaı másele emes, árbir úı jeke jumysty talap etedi. Osy baǵytta tıisti jumystar júrgizemiz» deıdi Altaı Kólginov.
