Elordada 8 mektepke qazaqtyń kórnekti tulǵalarynyń esimi berildi

NUR-SULTAN. QazAqparat - Astanada 8 mektepke qazaqtyń kórnekti tulǵalarynyń esimi berildi, dep habarlaıdy QazAqparat.

Bul jaıynda qalalyq tilderdi damytý jáne arhıv isi basqarmasynyń basshysy Sáken Esirkep málim etti.

Onyń aıtýynsha, Úkimettiń 2022 jylǵy 14 naýryzdaǵy № 123 qaýlysyna sáıkes elordamyzdaǵy 8 mektepke tarıhı tulǵalardyń esimi berilgen.

№ 2 balalar mýzyka mektebine Roza Baǵlanovanyń;

№ 3 balalar mýzyka mektebine Ermek Serkebaevtyń;

№ 11 mektep-lıtseıge Ózbekáli Jánibekovtiń;

№ 49 orta mektepke Qoshke Kemeńgerulynyń;

№ 66 mektep-lıtseıge Dinmuhamed Qonaevtyń;

№ 69 mektep-gımnazııaǵa Kemel Aqyshevtyń;

№ 77 mektep-gımnazııaǵa Farıza Ońǵarsynovanyń;

№ 83 mektep-gımnazııaǵa Ybyraı Altynsarınniń aty resmı berildi.