Elordada 8,6 mıllıon gúl egiledi
NUR-SULTAN. QazAqparat - Elordada gúl egý jumystary bastaldy. Qalanyń barlyq aýdandary kógaldandyrý jumystaryna kirisip ketti, dep habarlaıdy Nur-Sultan ákimdiginiń resmı saıty.
«Aýdan ákimderi merdigerlerdi anyqtaý boıynsha jumysty kúsheıtýi kerek. Sondaı-aq, qala aýdandarynyń 30 mamyrǵa deıin gúl egý jumystaryn aıaqtap, barlyq qajetti sharalardy qabyldaýy kerektigin atap ótkim keledi», - dedi ákimdiktegi kezekti otyrysta Arman Turlybek.
Qala ákimi orynbasarynyń atap ótýinshe bıyl gúlderdiń rekordtyq sany egiledi dep josparlanýda. Onyń málimetine qaraǵanda, olardyń sany 8,6 mıllıondy quraıdy.
Josparǵa sáıkes kóktemgi kezeńde qalada 14 myń aǵashty otyrǵyzylmaq. Máselen, ótken jyly kóktemde 13234 tal egildi. Búginge deıin elordanyń barlyq aýdandary 6 688 aǵashty (47%), sondaı-aq butaly qorshaýdyń 1 450 pogondy metrin ekti.
Sonymen qatar, aýdan basshylaryna shóp shabý jumystaryn uıymdastyrý qajet.
«Aýa-raıyna baılanysty shóptiń qarqyndy ósýi baıqalady. Osyǵan baılanysty barlyq saıabaqtarda, gúl baqtarynda, jol jıegindegi ýchaskelerde jáne gúlzarlarda alǵashqy shóp shabý sharalary 10 kún ishinde aıaqtalýy kerek», - dedi A. Turlybek.
Munymen qosa, elorda ákimi Baqyt Sultanov jınalǵandardyń nazaryn úılerdiń mańyndaǵy gúlzarlardyń jaǵdaıyna aýdardy.
«Alaıda, alańdatatyn taǵy bir suraq bar. Bul úılerdiń arasyndaǵy gazondar. Qazirgi ýaqytta bulardyń basym kópshiligine eshkim karamaıdy. Shań men qoqys jınalatyn orynǵa aınalǵan. Muny oılastyrý qajet, jobalaý kezinde beton nemese brýschatka tóseýdi qarastyrý qajet», - dep túıindedi ol.
