Elordada 7,5 myńnan astam jańa jumys orny ashyldy
ASTANA. KAZINFORM — Elordada halyqty jumyspen qamtý baǵytyndaǵy jumystar jalǵasyp jatyr. Bul týraly Astana qalasy ákimdiginiń «Eńbek mobıldiligi ortalyǵy» KMM dırektory Omar Oljas málimdedi.
— Qazirgi tańda elordada eńbek naryǵyndaǵy jaǵdaı turaqty. Qaladaǵy jumyssyzdyq deńgeıi 4,3% bolyp, respýblıkalyq ortasha kórsetkishten (4,6%) tómen, — dedi ol.
Onyń málimetinshe, 2026 jyldyń alǵashqy tórt aıynda elordada 7 593 jańa jumys orny ashylǵan.
— Osy kezeńde jumyspen qamtý sharalary arqyly 6 122 adam jumysqa ornalastyryldy. Sonyń ishinde 3 194 adam — 35 jasqa deıingi jastar, — dedi Omar Oljas.
Onyń aıtýynsha, bul kórsetkishterge qol jetkizýde mansap ortalyqtarynyń róli mańyzdy. Olar bos jumys oryndaryn usynyp, jármeńkeler ótkizip, qysqa merzimdi oqytý arqyly azamattarǵa qoldaý kórsetedi.
— Máselen, jyl basynan beri 302 jumys berýshiniń qatysýymen 17 bos jumys oryndary jármeńkesi ótip, myńnan astam jumys orny usynyldy. Sonymen qatar Elektrondyq eńbek bırjasy portalynda 1 980 jumys berýshi shamamen 5 600 bos jumys ornyn jarııalady, — dedi ortalyq basshysy.
Aıta keteıik, jyl basynan beri Astana turǵyndaryna ártúrli áleýmettik qoldaý sharalary kórsetilip keledi.
