Elordada 71 jastaǵy áıeldi tonaǵan taksıst ustaldy
NUR-SULTAN. QazAqparat – Elorda polıtsııasy 71 jastaǵy zeınetkerdi tonaǵan er adamdy ustady, dep habarlaıdy QazAqparat.
Nur-Sultan qalalyq polıtsııa departamentiniń málimetinshe, jeke kóligimen jolaýshylardy tasymaldaýmen aınalysatyn qaskúnem qart áıelmen belgili bir somaǵa ony dittegen jerine jetkizýge kelisken. Degenmen, ol kóshe tuıyqtarynyń birine kelgende áıeldi qaıshymen qorqytý arqyly aqshasyn tartyp alyp, kóligimen qashyp ketken.
Polıtsııa qyzmetkerleriniń jedel izdeý sharalarynyń nátıjesinde 28 jastaǵy kúdikti ustaldy jáne ony zardap shegýshi tanyp otyr.
«Kúdikti Nur-Sultan qalalyq polıtsııa departamentiniń ýaqytsha oqshaýlaǵyshyna qamaldy. Zattaı aıǵaq (aqsha) tárkilendi. «Tonaý» baby boıynsha sotqa deıingi tergeý amaldary júrgizilip jatyr. Kúdiktiniń dál osyndaı oqıǵalar qatysy tekserilýde. Atalǵan azamattyń zańǵa qaıshy áreketinen zardap shekken azamattardy Nur-Sultan qalalyq polıtsııa departamentine, Beıbitshilik k., 19 nemese 71-61-51; 71-63-16 nemese 102telefondarǵa habarlasýy qajet», - delingen taratylǵan aqparatta.
