Elordada 700-den astam gvardııashy áskerı ant qabyldady
NUR-SULTAN. QazAqparat – 30 qańtarda Nur-Sultan qalasynda ornalasqan Ulttyq ulannyń 5573 áskerı bóliminde Qazaqstannyń barlyq óńirlerinen qyzmet etýge kelgen sarbazdardyń saltanatty túrde áskerı ant qabyldaý rásimi ótti, dep habarlaıdy QazAqparat QR Ulttyq gvardııasyna silteme jasap.
Eldegi epıdemıologııalyq jaǵdaıǵa baılanysty shara sarbazdardyń týystary men jaqyndarynyń qatysýynsyz onlaın rejımde kórsetildi.
«Jas sarbazdardyń áskerı ant qabyldaýy – árbir áskerı bólimdegi mańyzdy oqıǵa. Jaýynger úshin áskerı ant – myzǵymas ómir zańy, ony attap ótýge múldem bolmaıdy. Ant qabyldaǵan sarbaz áskerı qyzmettiń aýyrtpalyǵy men shekteýlerin taısalmaı kóterýge mindetteledi, áskerı qyzmettiń máni men maqsatyn quraıtyn mindetterdi moınyna júkteıdi», – dep atap ótti 5573 áskerı bóliminiń komandıri, polkovnık Nurlan Muhamedov ant qabyldaý rásiminde.
