Elordada 70 myńǵa jýyq oqýshy úshinshi toqsandy mektepten oqıdy
NUR-SULTAN. QazAqparat – Nur-Sultanda úshinshi toqsanda 70 myńǵa jýyq oqýshy dástúrli formatta bilim alatyn bolady, dep habarlaıdy QazAqparat qala ákimdigine silteme jasap.
Búgin oqý jylynyń úshinshi toqsany bastaldy. Buǵan deıin jazǵanymyzdaı qaladaǵy jekelegen mektep ǵımarattary 10 qańtarda ótken QR Parlamenti Májilisi men máslıhattar saılaýynda daýys berý ýchaskeleri retinde paıdalanyldy. Saılaý ótkennen keıin bilim ǵımarattarynda dezıınfektsııalyq jumystar bastaldy. Soǵan oraı, 11 qańtarda astananyń barlyq oqýshysy onlaın formatta oqydy.
Ózge óńirlerde syndy elordada offlaın oqý 12 qańtardan bastalady. Úshinshi toqsanda 1-5 synyp oqýshylary «kezekshi synyp» rejıminde oqýyn jalǵastyrady. Sonymen qatar osy toqsannan bastap bitirýshi – 9, 11, 12-inshi synyptar «kezekshi synyptar» qaǵıdaty boıynsha aralas formatta (15 adamnan artyq emes) oqıdy.
«Offlaın sabaqtar kestesine ınvarıantty komponent pánderi kiredi: qazaq tili men ádebıeti, orys tili men ádebıeti, shet tili, algebra, geometrııa, fızıka, hımııa, bıologııa, geografııa, Qazaqstan tarıhy jáne dúnıejúzi tarıhy. Bul – oqý pánderiniń 70% quraıdy.
Qalǵan 30% pánder — ınformatıka, ózin-ózi taný, dene shynyqtyrý, quqyq negizderi, alǵashqy áskerı jáne tehnologııalyq daıyndyq qashyqtan ótedi.
Mektepter ıkemdi kesteler ázirleıdi, sabaqtar arasyndaǵy ózgerister ártúrli synyptar úshin túrli ýaqytta ótedi, áleýmettik qashyqtyq úshin aýysymdar men kishi aýysymdar kóbeıedi. Bir sabaqtyń ýaqyty 5 mınýttyq úzilispen 30 mınýttan aspaıdy.
Úshinshi toqsanda 70 myńǵa jýyq oqýshy mektepke barady», - dep naqtylady elorda ákimdiginen.
