Elordada 7 jyl boıy jezóksheler úıin ustap kelgen erli-zaıypty qolǵa tústi
ASTANA. QazAqparat - Kóliktegi ishki ister departamentiniń Uıymdasqan qylmysqa qarsy kúres basqarmasynyń qyzmetkerleri jedel-izdestirý is-sharalary barysynda Astana qalasy temir jol vokzalynyń aýmaǵynda erli-zaıypty 35 jastaǵy er azamat pen 28 jastaǵy azamatshany ustady.
Aǵymdaǵy jyldyń basynda olar kólik polıtseıleriniń nazaryna ilikken edi.
Kúdiktiler úsh er azamat (olardyń ekeýi 1992 jáne bireýi 1994) jáne eki áıelden (1975 jáne 1987) quralǵan qylmystyq topty quryp jáne oǵan basshylyq jasap, Astana qalasynyń aýmaǵynda 2009 jyldan bastap 2016 jyldyń mamyr aıyna deıin jezókshelikpen aınalysýǵa arnalǵan prıton uıymdastyrýmen jáne jeńgetaılyqpen aınalysyp kelgen.
Atalǵan fakt QR QK-niń 309-babynyń 2-bólimi 1-tarmaqshasy (Adamdar tobynyń aldyn ala sóz baılasýymen jezókshelikpen aınalysýǵa arnalǵan prıtondar uıymdastyrý nemese olardy ustaý) boıynsha sotqa deıingi tergeýdiń biryńǵaı reestrinde tirkeldi.
Qazirgi ýaqytta jedel-tergeý is-sharalaryn júrgizýde, dep habarlady Kóliktegi ІІD baspasóz qyzmeti.
