Elordada 7 jasar balany mashına qaǵyp ketti
NUR-SULTAN. QazAqparat - Elordada belgilenbegen jerden joldy kesip ótip bara jatqan 7 jasar balany mashına qaǵyp ketti, dep habarlaıdy QazAqparat tilshisi.
Nur-Sultan qalalyq polıtsııa departamentiniń málimetine qaraǵanda, búgin shamamen saǵat 11.50-de «VAZ» markaly kólik Tólebaev kóshesimen kele jatyp, belgilenbegen jerde joldy kesip ótpek bolǵan balany qaǵyp ketken.
«Jol-kólik apaty saldarynan 7 jastaǵy jaıaý júrginshi dene jaraqatyn aldy. Ol aýrýhanaǵa jetkizildi. Sotqa deıingi tergeý amaldary júrgizilip jatyr», - dedi vedomstvodan.
