Elordada 7 jasar balany azaptaǵan ógeı áke qamaýǵa alyndy
NUR-SULTAN. QazAqparat - Nur-Sultan qalasy polıtsııa departamentiniń qyzmetkerleri 7 jastaǵy balany sabaý oqıǵasyna qatysty tergeý amaldaryn júrgizip jatyr, dep habarlaıdy QazAqparat tilshisi.
Departamentten habarlanǵandaı, qalalyq aýrýhanaǵa ártúrli dene jaraqatymen jasóspirim bala túsken.
«Atalmysh fakt boıynsha QR QK 106-baby (Densaýlyqqa qasaqana aýyr jaraqat keltirý) boıynsha sotqa deıingi tergeý amaldary bastaldy. Tergeý barysynda anyqtalǵandaı, 7 jasar bala óz anasy jáne ógeı ákesimen birge turǵan. Atalmysh is boıynsha tereń taldaý júrgize otyryp, polıtsııa mynadaı qorytyndyǵa kelip otyr: bala sheshesimen birge turyp jatqan er adamnan jıi jábir kórgen. Balanyń aıtýynsha, úıde anasy bolmaǵan kezde kúndizgi ýaqytta er adam ony sabap júrgen. Keı jaǵdaıda tipti balaǵa túni boıy uıqy bermeı, kóbeıtý kestesin jattatyp qoıǵan. Balany azaptaý jaǵdaıy jıi oryn alyp otyrǵan», - delingen departamenttiń habarlamasynda.
Kýágerlerdiń jaýaptary men tergeý amaldaryna súıene otyryp, álgi er adam balany sabaý faktisine qatysty kúdikti retinde tanyldy. Er adam ustalyp, ýaqytsha oqshaýlaǵyshqa qamalǵan.
Qazirgi ýaqytta tergeý amaldary júrip jatyr.
