Elordada 68 myńǵa jýyq azamat birjolǵy aqshalaı járdemder alady
ASTANA. 26 jeltoqsan. QazAqparat - Qazirgi kezde elordada halyqty áleýmettik qorǵaý júıesi tıimdi jumys istep, damyp keledi.
Bıylǵy jyly jergilikti bıýdjetten tólengen jalpy járdem kólemi 2 523 877 teńgeden astam, dep habarlaıdy elordanyń resmı saıty.
Atalǵan qarajat áleýmettik mekemelerdi ustaýdy qamtamasyz etýge, turmysy tómen azamattar men turǵyndardyń jekelegen sanattaryn áleýmettik qoldaýǵa baǵyttaldy. Bul týraly qalalyq Jumyspen qamtý jáne áleýmettik baǵdarlamalar basqarasynyń bastyǵy Alma Altybaeva keshe elorda máslıhatynda ótken «Depýtat kúni» is-sharasy barysynda málim etti.
Onyń aıtýynsha, búgingi kúni Astanada 68 myńǵa jýyq azamat qalalyq bıýdjetten merekeler men aıtýly kúnderi birjolǵy aqshalaı járdemder alady. Olardyń - 318-i Uly Otan soǵysynyń múgedegi men qatysýshysy jáne 1 873-i olarǵa teńestirilgender. Al, 4 608 adam tyl eńbekkerleri bolsa, 3 887-i 18 jasqa deıingi tórt jáne odan da kóp balalary bar kópbalaly otbasylar. 3 478-i «Altyn alqa» jáne «Kúmis alqa» belgisin ıelengen analar. Osy azamattardyń qatarynda turmysy tómen 2000 otbasy jáne 17 211 barlyq sanattaǵy múgedek bar.
