Elordada 650 týberkýlez naýqas ambýlatorııalyq em alýda
ASTANA. 5 qańtar. QazAqparat - Astana máslıhatynyń 2008 jylǵy 9 shildedegi № 114/18-IV sheshimine sáıkes týberkýlezdiń aýyr túrimen aýratyndarǵa elordada azyq-túlik taǵamdary men qalanyń qoǵamdyq kóliginde jeńildetilgen jol júrý bıletimen júrý túrinde áleýmettik kómekter kórsetilýde, dep habarlady Astana qalasy ákimdiginiń resmı saıty.
«Búgingi kúni Astanada 650 týberkýlezben aýratyn naýqas ambýlatorııalyq em alýda. Olardyń barlyǵy aı saıyn ár adamǵa 5 200 teńge kóleminde azyq-túlik sebetin, sondaı-aq, jeńildetilgen jol júrý bıletin alady», - dep málimdedi Jumyspen qamtý jáne áleýmettik baǵdarlamalar basqarmasynyń bastyǵy Alma Altybaeva.
Ótken jyly elordada týberkýlezben aýratyndar sany aıtarlyqtaı tómendegenin atap aıtqan jón. Qalalyq densaýlyq saqtaý basqarmasynan astana.kz saıtyna habarlaǵanyndaı, 2012 jyly týberkýlezben aýratyndar sany 19,1 % azaıdy. 2011 jyly 100 myń turǵynǵa shaqqanda aýrý kórsetkishi 102,9 bolsa, ótken jyly ortasha kórsetkish 83,2 adamdy qurady.
