Elordada 648 adam jiti ishek ınfektsııasyn juqtyrǵan
ASTANA. KAZINFORM — Bul jóninde Astana qalasynyń kommýnıkatsııalar qyzmeti uıymdastyrǵan brıfıngte Astana qalasynyń sanıtarııalyq-epıdemıologııalyq baqylaý departamentiniń basshysy Aıgúl Shaǵaltaeva málimdedi.
— Astanada 2026 jyldyń basynan beri jiti ishek ınfektsııasynyń 648 jaǵdaıy tirkeldi. Bul kórsetkish ótken jyldyń osy kezeńimen salystyrǵanda 4%-ǵa tómendegenimen, másele ózekti kúıinde qalyp otyr. Aýrýdyń negizgi sebepteri — taǵamdy daıyndaý, saqtaý jáne satý kezinde sanıtarııalyq talaptardyń saqtalmaýy, — dedi ol.
Sondaı-aq, maman dámhanalardaǵy toptyq ýlaný faktilerine toqtaldy.
— Ótken jyly elordada qoǵamdyq tamaqtaný oryndarda 3 toptyq taǵamnan ýlanýdyń jaǵdaıy tirkeldi. Sonymen qatar, dúkender arqyly satylǵan úı jaǵdaıynda daıyndalǵan aspazdyq ónimnen bir oqıǵa oryn aldy. Nátıjesinde 60 adam zardap shekti, onyń ishinde 20 bala bar. Degenmen, departamenttiń málimetinshe, 2026 jyldyń ótken kezeńinde mundaı jaǵdaılar tirkelgen joq, — dedi Aıgúl Shaǵaltaeva.
Aıta keteıik, buǵan deıin taǵamnan ýlanbaý úshin ne isteý kerek ekenin jazǵanbyz.
