Elordada 6,370 shaqyrym jylý qubyrlary jańǵyrtyldy
ASTANA. KAZINFORM — «Astana-Teplotranzıt» kásiporny shahardaǵy jylý ınfraqurylymyn jóndeý jumystary jóninde málimdedi.
Mekeme málimetinshe, 2026 jyly 15 obektidegi 6,787 shaqyrym jylý jelisin jańǵyrtý josparlanǵan.
14 qyrkúıektegi jaǵdaı boıynsha, 6,370 shaqyrym jylý qubyry jańǵyrtylǵan, ıaǵnı jospardyń 94%-y oryndaldy. Qalǵan 6%-y qyrkúıektiń sońyna deıin aıaqtalmaq.
— Jylý jelileri tozýynyń saldarymen ǵana kúresýge bolmaıdy. Biz ınfraqurylymdy josparly túrde jańǵyrtý tásiline kóship jatyrmyz. Bul óte mańyzdy. Áýeli qatty tozǵan jáne áleýmettik mańyzy bar, aınalasynda áleýmettik nysandar ornalasqan jylý qubyrlaryn jańǵyrtýǵa mán beremiz. Bul jumystardyń basty maqsaty — elordany senimdi túrde jylýmen qamtý jáne jylytý maýsymynda syn-qaterlerdiń aldyn alý, — dedi «Astana-Teplotranzıt» AQ basqarma tóraǵasynyń rejım jáne retteý jónindegi orynbasary — Bas ınjener Abzal Saýǵabaev.
Aıta keteıik, buǵan deıin Astanada qysqy jylytý maýsymyna jylý qory daıyn ekenin jazǵanbyz.
