Elordada 60-tan astam MIB pen PIK-ke 1,5 mln teńge aıyppul salyndy
NUR-SULTAN. QazAqparat - Jyl basynan beri PIK jáne MIB-qa qyzmet kórsetetin 64 uıymǵa úılerdiń irgeles aýmaqtaryn tıisinshe tazalamaǵany úshin 1 mln 545 myń teńge aıyppul salyndy, dep habarlaıdy QazAqparat Nur-Sultan qalasy PD baspasóz qyzmetine silteme jasap.
Budan basqa, oramishilik aýmaqtardy qardan, muzdan jáne qoqystan ýaqtyly jáne tıisinshe jınamaǵany, qaldyqtardy ýaqtyly áketpegeni úshin 56 merdiger uıym ákimshilik jaýapkershilikke tartyldy. Olarǵa jalpy somasy 2 mln 175 myń teńge aıyppul salyndy.
Nur-Sultan qalasy PD jergilikti polıtsııa qyzmetiniń qyzmetkerleri abattandyrý erejelerin buzǵandardy anyqtaýǵa baǵyttalǵan reıdter júrgizip otyrady. Bul quqyq buzýshylyq QR ÁQBK 505-babymen tirkelip, olarǵa eskertý nemese aıyppul túrindegi jaza taǵaıyndalady.
