Elordada 6 jyl buryn jasalǵan qylmys ashyldy
ASTANA. 3 maýsym. QazAqparat - Astanalyq tártip saqshylary 6 jyl buryn jasalǵan aýyr qylmystyń betin ashty.
Bul týraly Astana qalalyq ІІD baspasóz qyzmetinen habarlady.
Elordalyq ІІD Saryarqa aýdandyq ІІB-ǵa 2007 jyldyń qarasha aıynda zorlyq-zombylyq belgilerimen áıel adamnyń múrdesi tabylǵany týraly habar túsken. Atalmysh jaıt boıynsha QR QK «Adam ólimi» babyna sáıkes qylmystyq is qozǵaldy.
Aıýandyqpen jasalǵan qylmystyq isti tergeý jumystary birneshe jylǵa sozyldy. Nátıjesinde 2007 jyldyń maýsymynda oǵan qatysy bar kúdiktiler qolǵa tústi. Olar elordada turatyn, buǵan deıin birneshe ret sottalǵan 43 jáne 28 jastaǵy er adamdar bolyp shyqty.
Tergeý barysynda kúdiktiler 2007 jyldyń qarasha aıynda qaraqshylyq maqsatta shabýyl jasaǵanyn moıyndady. Ashy sýǵa toıyp alǵan ekeý áıeldiń aqshasyn tartyp alyp, qylmystaryn jasyrý úshin ony óltirýge bel býǵan. Ony soqqynyń astyna alyp, travmatıkalyq tapanshadan atyp, oqıǵa ornynan izderin jasyrǵan. Ashyq bas súıek-mı jaraqatynan áıel sol jerde kóz jumdy.
Búgingi tańda kúdiktiler Astana qalalyq ýaqytsha ustaý oqshaýlaǵyshyna qamaldy. Tergeý jumystary júrip jatyr.
