Elordada 56 oıyn-saýyq ornyna sanıtarlyq normalardy buzǵany úshin aıyppul salyndy
Polıtsııa, eriktiler men ákimdik qyzmetkerleri elordanyń oıyn-saýyq oryndaryna reıd júrgizdi. Jaqynda buzýshylyqtar qaladaǵy tanymal oryndardyń biri – «Mıata» kalıanynda anyqtaldy. Belgili bolǵandaı, kalıanǵa kelýshiler ákimshimen aldyn ala kelisip, ústelge tapsyrys bergen. Munda pandemııa kezinde barlyq sanıtarlyq normalar buzylǵan. Mysaly, úsh adam bir kalıan shegedi.
«Bul fakti boıynsha biz budan ári sot isin júrgizýge derekterdi SES-ke jiberemiz. Ary qaraı Qazaqstan Respýblıkasynyń Ákimshilik quqyq buzýshylyq týraly kodeksiniń 425-babyna sáıkes sheshim qabyldanady», – deıdi ýchaskelik ınspektor Álı Ábiltaev.
Kalıanǵa karantın rejımin buzǵany úshin 230 AEK (638 940 teńge), kalıan daıyndaýshy men kelýshilerge 30 AEK (83 340 teńge) aıyppul salynady. Búgingi tańda oıyn-saýyq mekemeleriniń karantın rejımin buzýynyń 56 faktisi anyqtaldy.
«Osylaısha vırýs taralýy múmkin. Sodan keıin olar jaqyndaryna juqtyrady, al indet kúsheıedi. Infektsııanyń taralýyn boldyrmaý úshin biz barlyq karantın erejelerin saqtaýymyz kerek. Ár adam ózine jáne otbasyna jaýapty. Osylaısha, 2-3 apta úıde bolý, «úı–jumys–úı» shemasy boıynsha júrý durys sheshim bolady», – deıdi qalalyq jastar saıasaty máseleleri jónindegi basqarma basshysy Dáýlet Káribek.
Eske sala keteıik, Nur-Sultan qalasynyń bas sanıtarlyq dárigeriniń buıryǵyna sáıkes karantın kezeńinde kalıan jumysyna qatań tyıym salynady.
