Elordada 51 jastaǵy áıel monshadaǵy basseınge batyp ketti
NUR-SULTAN. QazAqparat - Nur-Sultandaǵy Turan dańǵylynda ornalasqan «Keremet» monsha kesheninde qala turǵyny basseınge batyp ketken, dep habarlaıdy QazAqparat Polisia.kz saıtyna silteme jasap.
Keshe, 11 maýsym keshki saǵat 19:10 shamasynda monshadaǵy basseınge batyp kóz jumǵan 51 jastaǵy áıeldiń denesi tabylǵan. Bul týraly habarlama 102 qyzmetine kelip tústi.
Keıin anyqtalǵandaı, marqum epılepsııa dertimen aýyratyn ІІ top múgedegi bolyp shyqty. Ol monshaǵa anasymen birge kelgen.
Qazirgi ýaqytta sot-medıtsınalyq saraptama jasalýda. Tergeý júrip jatyr.
