Elordada 500-den astam shetel azamaty elden shyǵaryldy

ASTANA. QazAqparat – Astanada kóshi-qon zańy talaptaryn buzǵan sheteldikter elden shyǵaryldy. Bul týraly Polıtsııa departamenti kóshi-qon qyzmeti basqarmasynyń basshysy Erbol Mahmetov málim etti, dep habarlaıdy QazAqparat tilshisi.

«Shetel azamattary kelgende qabyldaýshy tarap elde bolý talaptaryn habarlaýy tıis. Osy kúnge deıin Ózbekstan men Tájikstan azamattaryn zańsyz júzege asyrǵany úshin 50-den astam adam tartyldy. Jyl basynan beri Astanada 20 myńǵa jýyq shetel azamaty tirkeldi. Odan bólek, Tájikstannyń 3 myńnan astam azamaty ýaqytsha turýǵa ruqsat aldy», - dedi Erbol Mahmetov polıtsııa departamentinde ótken baspasóz máslıhatynda.

Onyń aıtýynsha, eńbek mıgranttarynyń kóbi qurylys salasynda jumys isteıdi.

«Eger olar ýaqytsha turýǵa ruqsat alsa, belgilengen merzim ishinde jumys isteýge quqyly. Jyl basynan beri 500-den astam adam elden shyǵaryldy. Olardyń deni qurylys alańdarynda jumys isteıdi», - deıdi spıker.

Buǵan deıin elordada qos azamattyqpen júrgen sheteldik zańbuzýshylar týraly habarlaǵan edik.