Elordada 50 oryndyq dámhana men meıramhanalar jumysyn bastaıdy
NUR-SULTAN. QazAqparat - Elordada 25 mamyrdan bastap dámhana men meıramhanalar jumysyn bastaıdy qoǵamdyq tamaqtaný mekeemesinde tek 50 orynnan aspaýy kerek. Bul týraly Nur-Sultan qalasynyń Bas memlekettik sanıtarlyq dárigeri Janna Pirálıevanyń qaýlysynda jazylǵan, dep habarlaıdy QazAqparat tilshisi.
Qaýlyda aıtylǵandaı, shamamen 50 adam otyratyn oryny bar dámhana men meıramhanalardyń jumysyna ruqsat etiledi.
«Zalǵa 50 oryndyq qoıý kerek jáne otyratyn oryndar arasy 2 metr qashyqtyqta bolýy tıis. Ujymdyq is-sharalar ótkizýge jáne banket pen saltanatty zaldardyń jumysyna tyıym salynady», - delingen qujatta.
Eske sala ketsek, 18 mamyrda elordada syıymdylyǵy 30 adamǵa deıingi qoǵamdyq tamaqtaný oryndary jumys isteı bastaǵan. Ol kezdegi shart boıynsha, ǵımarattyń ishki jáne jazǵy alańdaryn qosqanda, jalpy klıent sany 30-dan aspaýy tıis bolatyn.
