Elordada 50-den astam kompanııa júzdegen «Bolashaq» túlekterine jumys oryndaryn usyndy (FOTO)
Іs-sharanyń uıymdastyrýshylary Bilim jáne ǵylym mınıstrligi men «Halyqaralyq baǵdarlamalar ortalyǵy» AQ bolyp tabylady.
Іs-shara sheńberinde «Bolashaq» baǵdarlamasynyń 500-den asa túlegi 50-den asa qazaqstandyq kompanııadan jumys berýshilermen kezdesip, kásiptik seriktestik perspektıvalaryn talqylaý múmkindigin aldy. Іs-shara barysynda tanystyrýlar, testileýler men suhbattar, sondaı-aq networking rejiminde beıresmı jaǵdaıda kompanııalardyń top-menedjmentterimen qarym-qatynas jasaý sharalary ótkizildi.
Atalǵan jármeńke barysynda «Halyqaralyq baǵdarlamalar ortalyǵy» AQ prezıdenti Ǵanı Nyǵymetov ashyp, «Bolashaq» baǵdarlamasy túlekterin «Bes ınstıtýtsıonaldyq reformany iske asyrý boıynsha 100 qadam» ult josparyn iske asyrýda belsendi qatysýǵa shaqyrdy. Baǵdarlamanyń resmı ákimshisiniń basshysy álemge tanylǵan jáne ózi tektes 11 bilim baǵdarlamalary arasynda úzdik stıpendııalyq baǵdarlama atanǵan «Bolashaq» stıpendııasynyń memlekettik myqty kadrlyq quramyn qurýdaǵy rólin erekshe atap kórsetti.
«Bolashaq» túlekteri úshin uıymdastyrylǵan Networking session barysynda S.Toraıǵyrov atyndaǵy Pavlodar memlekettik ýnıversıtetiniń rektory, «Bolashaq» baǵdarlamasynyń túlegi Aryn Orsarıev óz tabysynyń tarıhymen bólisti. Qatysýshylar Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumystar komıtetiniń tóraǵasy, «Bolashaq» baǵdarlamasynyń túlegi Danııar Taýmýratpen «Máńgilik el» ulttyq ıdeıasynyń negizgi basymdylyqtaryn iske asyrýdaǵy óz úlesteri jaıynda talqylaý múmkindigin aldy.
«Bolashaq» prezıdenttik baǵdarlamasy iske asyrylǵan 22 jylda 11265 stıpendııa taǵaıyndaldy, sheteldiń úzdik joǵary oqý oryndarynda ónerkásip, medıtsına, aýyl sharýashylyǵy, bilim jáne ǵylym, ekonomıkalyq blok, mádenıet jáne óner salalary úshin 8 000-nan asa joǵary bilimdi mamandar daıarlanǵan. Búgingi kúni baǵdarlama qatysýshylary el Prezıdentiniń zııatkerlik qataryn qurýda jáne myqty, qarqyndy damýshy memleket qurý jolynda.
Bolyp ótken Bolashak Job Fair kásiptik jármeńkesi «Bolashaq» túlekteriniń eńbek naryǵynyń áleýmettik múmkindikterimen tanysýynyń dástúrli nysanyna aınaldy.
Investıtsııalar jáne damý, syrtqy ister, ádilet mınıstrliginiń, «Qazaqtelekom» AQ, «Habar» AQ, «Air Astana» AQ, «Damý» QR Ulttyq kásipkerler palatasynyń, McKinsey & Company (Makkınzı), Deloitte (Deloıt), KPMG, jáne basqa da uıymdar men kompanııalardyń ókilderi 2015 jylǵy Bolashak Job Fair sheńberinde túlektermen áńgimelesý ótkizdi.
