Elordada 5 turǵyn úı kesheninde elektr qýaty qalpyna keltirildi

ASTANA. KAZINFORM — «Astana-REK» AQ-nyń jedel qyzmet brıgadalary RP-217 nysanyndaǵy elektrmen jabdyqtaýdy qalpyna keltirý jumysyn jalǵastyryp jatyr, dep habarlaıdy qala ákimdiginiń baspasóz qyzmeti.

Ákimdik málimetinshe, qazirgi ýaqytta mynadaı nátıjelerge qol jetkizildi:

— 15:15-de bes transformatorlyq qosalqy stantsııaǵa elektr qýaty berildi, nátıjesinde bes turǵyn úı kesheniniń jaryǵy qalpyna keltirildi.

— 16:50-de qosalqy stantsııalardyń birine dızel generatorlyq qondyrǵy (DGQ) qosyldy.

— Taǵy tórt transformatorlyq qosalqy stantsııaǵa DGQ qosý jumysy jalǵasyp jatyr. Qalǵan kópqabatty úılerge de jaryq berý boıynsha qalpyna keltirý sharalary júrgizilip jatyr, — delingen habarlamada.

Budan buryn Astanada birneshe turǵyn úı jaryqsyz qalǵanyn jazǵanbyz.

Keıinnen ákimdik jaryqtyń apatty óshýine qatysty túsinikteme berdi.