Elordada 5 kúnde 2 myńǵa jýyq jol erejesin buzý oqıǵasy tirkeldi
Onyń barysynda kólik quralyn paıdalaný jáne jolda júrý erejesin buzýshylar anyqtaldy, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.
Jedel-aldyn alý sharalary bastalǵannan beri 1 823 jolda júrý ereesin buzý faktisi, 319 aqaýy bar avtokólik, mindetti tehnıkalyq baıqaýdan ótpegen transportty júrgizgen 100 júrgizýshi anyqtaldy. Túrli JJE-ni buzǵany úshin 201 kólik quralynan nómiri alyndy.
Zańsyz qaıta jabdyqtalǵan 21 kólik kommýnaldyq turaqqa qoıyldy, barlyǵy jolda júri tártibin buzǵany úshin 82 kólik turaqqa qoıyldy.
Mysaly, polıtseıler Turan kóshesi boıynda ortalyq saıabaqqa qarama-qarsy jerde nómerin durys ornatpaǵany úshin «Honda» markaly mototsıkliniń júrgizýshisin toqtatty. Ol nómirdi mototsıkl oryndyǵynyń astyna ornatqan. Transporttyq qural aıyppul turaǵyna qoıyldy, júrgizýshi QR ÁQBtK-niń 590-baby 1-tarmaǵy boıynsha ákimshilik jaýapqa tartyldy. Odan bólek, jedel-aldyn alý sharalary kezinde JJE-ni buzǵan astanalyq júrgizýshiler de anyqtaldy. Osylaısha, 12 mamyrdan bastap manevr jasaý erejelerin buzǵan 46 júrgizýshi, joldyń qarsy betine shyqqan 27 júrgizýshi, baǵdarshamnyń ruqsat etilmegen túsine júrgen 62 júrgizýshi, mas kúıde rólge otyrǵan 14 júrgizýshi ustaldy, 22 júrgizýshiniń kólik júrgizý quqyǵy múlde bolmaǵan.