Elordada 5 qabatty óndiristik ǵımarattaǵy órt sóndirildi
NUR-SULTAN. QazAqparat – Elordada 5 qabatty óndiristik ǵımaratta shyqqan órt tolyq sóndirildi, dep habarlaıdy QazAqparat Nur-Sultan qalasy TJD baspasóz qyzmetine silteme jasap.
«Búgin saǵat 20.25-te elordalyq órt sóndirý qyzmetiniń «101» pýltine Sh.Aımanov kóshesindegi 24-úıde órt shyqqany týraly habarlama kelip tústi. Qazirgi málimet boıynsha 5 qabatty óndiristik tseh ǵımaratynyń 3-shi qabatynda órt shyqqan. Jalyn keıin joǵary qabattarǵa taralǵan. 200 sharshy metr aýdanǵa taralǵan órt saǵat 21.14-te aýyzdyqtalyp, saǵat 22.20-da tolyq óshirildi», delingen habarlamada.
Órtti sóndirýge qalalyq TJD-nyń jeke quramynan 41 adam jáne 10 tehnıka jumyldyryldy. Órtte eshkim zardap shekpegen.
Eske sala ketsek, elordada 5 qabatty ákimshilik ǵımarattan órtenip jatqany habarlanǵan edi.
