Elordada 5-qabattan qulaǵan sábıdiń jaǵdaıy birqalypty
NUR-SULTAN. QazAqparat – Elordada 3 jasar sábı kóppáterli úıdiń 5-qabatynan kire beristegi shatyrǵa qulap ketti, dep habarlaıdy QazAqparat tilshisi.
Nur-Sultan qalalyq qoǵamdyq densaýlyq saqtaý basqarmasy agenttik tilshisine sábıdiń jaǵdaıy birqalypty ekendigin aıtty.
«2 tamyz kúni 2019 jyly dúnıege kelgen sábı aýrýhanǵa tústi. Bala neırohırýrgııa bólimshesinde statsıonarlyq em alyp jatyr. Ol qulaǵan kezde túrli dene jaraqatyn alǵan. Qazir balanyń jalpy jaǵdaıy birqalypty. Anasymen birge qarqyndy qadaǵalaý palatasynda. Bala em-dom men tekserýlerdi tolyq kólemde alyp jatyr», - dep atap ótti qalalyq qoǵamdyq densaýlyq saqtaý basqarmasynan.
Esterińizge sala keteıik, jyl bastalǵaly elordada balalardyń terezeden qulap ketýi boıynsha 24 fakti tirkelip, 3 bala qaza tapty .
