Elordada 41 ózge din ókilderi Islam dinin qabyldady
ASTANA. 18 qańtar. QazAqparat - Qazaqstan musylmandary dinı basqarmasy ótken jyldyń qorytyndy esebin jarııalady.
QMDB baspasóz qyzmetiniń málimetinshe 2012 jyly Almaty meshitterinde jalpy sany 6384 bala dinı saýat ashý kýrstarynda ilim aldy. Onyń 3695-i - ul bala, 2682-si - qyz bala.
«Al «Nur Astana» meshitiniń bas ımamy Qalıjan Zańqoev ótken jyly Elordada 41 ózge din ókilderi Islam dinin qabyldaǵanyn málimdedi»,-delingen bul málimetterde.
QMDB-nyń Atyraý oblysyndaǵy ókil ımamy Amantaı Sádıev sáláfılerdiń jeteginde júrgen 27 adamnyń óz raıynan qaıtqanyn jetkizdi.
Sonymen qatar Aqmola oblysynda ımamdardyń qatysýymen joǵary oqý oryndarynda, mekemelerde, abaqtylarda, qarttar jáne jetimder úılerinde 390 kezdesýler uıymdastyrylyp, ýaǵyz-nasıhat aıtyldy.
Budan bólek Ońtústik Qazaqstan oblysynda meshit tarapynan turmysy tómen bas-aıaǵy 3045 otbasyǵa qaıyrymdylyq kómek kórsetilgen eken.
Bas múftı tóralqada elimiz boıynsha 1500 aýylda meshit joǵyn ashyna jetkizdi.
Aıta keteıik, múftııat jyldaǵy ıgi dástúrge saı ótken jyly 23 ımamdy Túrkııaǵa dinı ilimderin jetildirýge jiberdi. Bıyl elimizdiń iri qalalarynda ornalasqan respýblıkalyq 9 medrese men «Nur» Qazaq-Egıpet ıslam ýnıversıtetin támamdaǵan 250-den astam din kadrlary qyzmetke kirispek. QMDB-nyń qaramaǵynda qyzmet etetin din kadrlarynyń 62 paıyzy dinı bilimmen sýsyndaǵan.
«Osyǵan deıin Islam qundylyqtary jaıly 28 kitaptar men kitapshalar shyǵaryldy. Jan azyǵy sanalatyn qundy kitaptar musylmandarǵa 600 myń danamen jol tartty»,-dep atalǵan QMDB málimetterinde.
Búginde Qazaqstan musylmandary dinı basqarmasynda 13 din kadrynyń ǵylymı ataǵy bar. Onyń 2-ýi ǵylym doktorlary hám professorlar, 1-eýi phD doktory. 2-ýi ǵylym kandıdaty. Qalǵan 8-i ǵylym magıstrleri.
