Elordada 400 myń adam Prezıdent saılaýynda daýys beredi
ASTANA. QazAqparat - Elorda saılaýshylarynyń sany shamamen 400 myń adamdy quraıdy. Bul týraly QazAqparat tilshisine Astana qalalyq saılaý komıssııasynyń tóraǵasy Igilik Jalbyrov aıtty.
«Qazirgi ýaqytta saılaýshylar tizimderin salystyrý jumystary júrgizilýde. Aldyn ala derekterge sáıkes saılaýshylar sany shamamen 400 myń adamdy quraıdy», - dedi ol.
Sonymen qatar ol óz sózinde elimizdiń Konstıtýtsııasyna jáne «QR Saılaý týraly» Konstıtýtsııalyq zańyna sáıkes respýblıka azamattary memlekettik organdarǵa jáne jergilikti ózin-ózi basqarý organdaryna saılaý jáne saılaný quqyǵy bar ekendigin atap ótti.
«Aldaǵy QR Prezıdentiniń saılaýy bizdiń taǵdyrymyzda mańyzdy ról atqarady. Sondyqtan elorda saılaýshylary saılaýǵa belsendi qatysatynyna senemin», - dedi I.Jalbyrov.
