Elordada 400-ge jýyq otbasy apatty jaǵdaıda turǵan baspanalardan kóshirildi
NUR-SULTAN. QazAqparat - Elordada 400-ge jýyq otbasy apatty jaǵdaıda turǵan baspanalardan kóshirildi. Bul týraly elorda ákimi Altaı Kólginov óziniń
«Apatty jaǵdaıdaǵy 6 eski úı men baraq turǵyndary jańa, qaýipsiz baspanaǵa ıe boldy, 400-ge jýyq otbasy qaýipti páterlerden kóshirildi. Bul apatty úılerdiń arasynda 80 jyldan astam ýaqyt buryn salynǵandary da bar. Olardyń tóbesinen sý aǵyp, qabyrǵalary sógilgeli turǵan, páter ishi syz jáne taǵy basqa da keleńsizdikterge toly edi»,-dep jazady astana ákimi.
Onyń sózinshe, qaladaǵy keıbir turǵyn úılerde ortalyqtandyrylǵan jylý júıesi bolmaǵan. Turǵyndar páterlerin peshpen jylytqan. Qazir adamdar júkterin tasyp, kóship jatyr.
«Eski úılerdi súrý jumystaryn «Elorda damýmen» birge «Nurly jer» memlekettik baǵdarlamasy boıynsha júrgizip jatyrmyz. Buǵan qosa Memleket basshysynyń tapsyrmasymen jeńildikpen beriletin qoljetimdi baspana qurylysy kólemin de arttyramyz»,-dep jazady Altaı Kólginov.
