Elordada 400-den astam jer ýchaskesi memleket qaramaǵyna májbúrli túrde satyp alynady
ASTANA. KAZINFORM — Astana qalasy ákimdiginiń jer ýchaskelerin memlekettik muqtajdyqtar úshin májbúrlep ıelikten shyǵarý (satyp alý) týraly qaýlysy shyqty.
– QR Jer kodeksiniń 84-babyna, QR «QR jergilikti memlekettik basqarý jáne ózin-ózi basqarý týraly» Zańynyń 37-babyna, QR «QR astanasy týraly» Zańynyń 9-babyna, QR «Memlekettik múlik týraly» Zańynyń 63-babyna sáıkes, QR Úkimetiniń 2024 jylǵy 25 qańtardaǵy № 33 qaýlysymen bekitilgen Astana qalasynyń bas josparyn iske asyrý maqsatynda, Astana qalasynyń ákimdigi qaýly etedi, – delingen qujatta.
Qaýlyǵa saı, jalpy alańy 3,9422 ga jáne 0,4032 ga jer ýchaskeleri memlekettik muqtajdyqtar úshin májbúrli túrde ıelikten shyǵarylady. Naqtyraq aıtqanda, memleket olardy ıelerinen satyp alady. Bul jumystar 2026 jylǵy 7 qyrkúıekten bastap 2027 jylǵy 7 qyrkúıekke deıin júrgiziledi.
Aıta keteıik, atalǵan jer ýchaskeleri Astana qalasy, «Almaty» aýdany, A. Toqpanov kóshesiniń mańynda. Onda aldaǵy ýaqytta Astana qalasynyń Qurylys basqarmasy mektep salmaq.
Elorda ákimdigi qaýly mátinimen qosa, májbúrli túrde satyp alynatyn 406 ýchaske tizimin de jarııalady.
Eske salaıyq, buǵan deıin elorda ákimdigi 26 jer ýchaskesin 135 mln teńgege satyp alatynyn jazǵanbyz.
