Elordada 40 tonnaǵa jýyq astyq jınaldy, 91,6% - qalalyq elevatorlarda
ASTANA. QazAqparat - Astana qalasy Statıstıka departamentiniń habarlaýynsha, aǵymdaǵy jyldyń 1 qyrkúıegindegi jaǵdaı boıynsha elordanyń astyq naryǵyna qatysýshylardyń qolynda 39 815 tonna astyq boldy, jınalǵan astyqtyń barlyǵy derlik azyq-túlikke jiberildi.
Azyq-túlikke jiberilgen negizgi dándi-daqyl - bıdaı (azyq-túlikke jiberiletin jalpy astyq kóleminiń 93,7%-y). Astyqtyń basym bóligi - 91,6% qalalyq elevatorlarda jınaqtalǵan. Qalanyń un tartý kombınattarynda qaıta óńdeletin 2390 tonna bıdaı, al astyq naryǵyna qatysýshylardyń qolynda 2088 tonna arpa jáne 439 qarabıdaı bar.
Aıta keteıik, 2014 jyldyń 1 qyrkúıeginde Astana qalasynyń astyq naryǵynda 30 822 tonna astyq bolǵan, dep habarlaıdy astana.kz.
