Elordada 40 myń bastaýysh synyp oqýshysy kezekshi toptarda bilim alady
NUR-SULTAN. QazAqparat - Elordada 40 myńnan astam bastaýysh synyp oqýshysy kezekshi toptarda bilim alady. Bul týraly pedagogıka qyzmetkerleriniń tamyz keńesinde elorda ákimi Altaı Kólginov aıtty, dep habarlaıdy QazAqparat tilshisi.
«Bir jumadan keıin jańa oqý jyly bastalady. Oǵan bizdiń muǵalimderdiń daıyndyǵy joǵary 1-4 synyp aralyǵyndaǵy 40 myńnan astam bala kezekshi toptarda oqýǵa ótinish bildirip otyr. Soǵan biz daıyn bolýymyz kerek. Árıne, vırýs eshqaıda ketken joq. Tártipti ózimizden bastaýymyz kerek. Mektepterge balalar keledi jáne olardyń qaýipsizdigi eń birinshi orynda bolýy kerek. Áleýmettik ara qashyqtyq saqtalyp, antısanıtaızerler ornatylýy tıis. Adamdar kóp shoǵyrlanǵan jerde mindetti túrde maska kııýimiz qajet»,- dedi elorda ákimi.
Sonymen qatar ol pedagogtarǵa salmaq artatyndyǵyn basa aıtyp, bilim berý sapasyn tómendetpeý qajettigin eskertti.
«Soǵan biz erekshe kóńil aýdarýǵa mindettimiz. Ol úshin barlyq jaǵdaı jasaldy. Endi ol muǵalimderge tikeleı baılanysty», - dedi Altaı Kólginov.
