Elordada №40 avtobýstyń qozǵalys kestesi ózgerdi
ASTANA. QazAqparat - Astanada jolaýshylardyń ótinishine baılanysty, №40 avtobýstyń qozǵalys kestesi ózgertildi, dep habarlaıdy QazAqparat tilshisi Astana ákimdiginiń baspasóz qyzmetine silteme jasap.
«Jolaýshylardyń ótinishterine baılanysty, «Barys-Arena» muz aıdynyna, sondaı-aq Turan dańǵylyndaǵy jańa nysandarǵa kólik qyzmetin kórsetý maqsatynda, 2018 jylǵy 10 qazannan bastap №40 baǵdardyń qozǵalys syzbasy ózgertildi», - delingen habarlamada.
Atap aıtqanda, baǵdardyń avtobýstary bastapqy «Temirjol vokzaly» aıaldamasynan Turan dańǵyly men Kereı, Jánibek handar kósheleriniń qıylysyna deıin ózgerissiz júrip, ary qaraı Turan dańǵylymen týra, sosyn solǵa - Uly Dala dańǵylyna, ońǵa - Qabanbaı batyr dańǵylyna burylyp, ary qaraı taǵy da qazirgi qozǵalys syzbasy boıynsha júredi. Keri baǵytta da dál osy baǵdarmen júredi.
