Elordada 4 shildede «Shattyq» halyqaralyq jas daryndar festıvali bastalady
ASTANA. QazAqparat - Búgingi tańda «Shattyq» elordanyń ǵana emes, elimizdiń de mádenı ómirindegi aıshyqty oqıǵaǵa aınaldy. Shara jas daryndar úshin shyǵarmashylyq bıikterge dańǵyl jol ashady.
Sondaı-aq, túrli mádenıetterdi jaqyndastyryp, biriktiretin ózindik kópirge aınaldy.
HІ halyqaralyq js daryndar festıvali shildeniń 4, 5, ,6 kúnderi «Qazaq eli» monýmentiniń aldynda ótedi.
Bıylǵy kontserttik baǵdarlamanyń taqyryby - «Astana, men seni súıemin». Oǵan Qazaqstan, Reseı, Qyrǵyzstan, Ózbekstan, Tájikstan, Grýzııa, Ázerbaıjan, Ýkraına, Belarýs, Sheshenstan (Ichkerııa), Tatarstan, Lıtva, Latvııa, Bolgarııa, Qytaı, Túrkııa, Chehııa t.b. memleketterdiń ónerli órenderi qatyspaq.
Baıqaýdyń ádilqazylar alqasyna mýzyka áleminiń metrleri men sheberleri jınalǵan. Qazylar alqasyna KSRO halyq ártisi, Sotsıalıstik Eńbek Eri, Memlekettik syılyqtyń laýreaty, akademık Bıbigúl Tólegenova jetekshilik etedi.
Otbasylyq sharanyń kúndizgi baǵdarlamasyna «Qazaq eli» monýmentiniń aldyndaǵy alańda ár búldirshinniń kóńilin aýlaı alatyn «Balalar álemi» engizildi. Súıikti ertegi keıipkerleriniń beınesin somdap, túrli saıys, estafeta, «Sıqyrly parashıýt» oıyndaryn uıymdastyratyn anımatorlar kishkentaı astanalyqtardyń kóńilin kóteretin bolady. Sonymen qatar, sabyndy kóbikter, sıqyrshy-ıllıýzıonıster, «serippe adam», transformer-robottar jáne alyp dınozavr shoýy ótedi. Qolóner súıer qaýym úshin ashyq hattar, qoldan áshekeıler jasaýdy, túrli-tústi qumda sýret salýdy, ermeksaz japsyrýdy, gıps músinderdi quıyp, boıaýdy, «Ebrý» sýynda sýret salýdy úıretetin sheberlik synyptary uıymdastyrylady.
Balalar meıramyn Astana, Serbııa jáne Perý Respýblıkalarynyń qýyrshaq teatrlary da kóriktendire túsedi.
Keshki shoý-baǵdarlamasyna «X-faktor» men «Qazaqstan daýysy» jobalarynyń qatysýshylary, ıllıýzıonıster, álemdik tsırk alańdarynda tanymal atanǵan Astana tsırkiniń ártisteri qatysady.
Bul merekege Ulttyq KTK lıgasynyń kóńildi músheleri de ázilderin ala keledi. Al ár kontsert kúni Aıqyn Tólepbergen, Madına Sádýaqasova, Baýyrjan Isaev, Almas Kishkenbaev, «Keshıý» toby, Aıgúl Imanbaeva, Álı Oqapov, Indıra Edilbaeva, Kámshat Joldybaeva, Marjan Arapbaeva syndy estrada juldyzdarynyń ánderimen aıaqtalyp otyrady, dep habarlaıdy astana.kz.
